3 снежня 2024
3 снежня – Дзень інвалідаў
Шаноўныя жыхары Бешанковіцкага раёна!
Штогод 3 снежня ў нашай краіне адзначаецца Дзень інвалідаў. Гэта дата ў календары не абходна, каб прыцягнуць увагу да праблем людзей з больш высокімі патрэбамі і нагадаць, што побач ёсць тыя, каму важна надаць асаблівую ўвагу і клопат.
Нягледзячы на хваробы, гэтыя людзі адрозніваюцца сваёй мэта накіраванасцю, дасягаюць значных вынікаў у прафесіі, вучобе, спорце і мастацтве, уносяць важкі ўклад у грамадскае жыццё раёна, заўсёды з энтузіязмам бяруцца за стварэнне новых праектаў, удзельнічаюць у выставах, розных форумах і фестывалях. Дарагія сябры, вы служыце яркім прыкладам самавалодання, вялізнай сілы волі да перамогі. Такія дух, упартасць, уменне захоўваць радасць жыцця заслугоўваюць вялікай павагі!
Асаблівыя словы падзякі адрасуем людзям, што заўсёды побач, дапамагаюць вам пераадольваць цяжкасці, стаць запатрабаванымі ў грамадстве, забяспечваюць камфорт у побыце.
Шчыра жадаем усім міру, шчасця і дабрабыту, узаемаразумення, творчых поспехаў, любові родных і блізкіх!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
