8 жніўня 2023
Аграрыі Бешанковіцкага раёна працягваюць "бітву" за ўраджай!
Сёння кіраўнік раёна Галіна Унуковіч ацаніла ход уборкі ў ТАА "СушчаваАгра", пагутарыла з камбайнерамі і спецыялістамі.
Гаспадарка пачала жніво ўсяго некалькі дзён таму, але ўжо дынамічна нарошчвае тэмпы. Убрана больш за 13% плошчаў, ураджайнасць - каля 30 ц/га.
Больш за 60% плошчаў убрана ў ДП "ПалітаддзелецАгра". Дырэктар гаспадаркі Аляксандр Камовіч далажыў старшыні райвыканкама аб ходзе ўборкі, не менш важны напрамак — сяўба азімых. Узворванне глебы на палітаддзельскіх палях праведзена ўжо на больш як 18 працэнтах плошчаў, уносіцца арганіка і гліфасатзмяшчальныя гербіцыды.
Актыўна ўключыліся ў сяўбу азімых работнікі "Віцебскаграпрадукта", на палях паблізу аграгарадка Свечка працаўнікі гаспадаркі падрыхтоўвалі глебу пад сяўбу азімага рапсу. Гэта культура ў сельгаспрадпрыемстве ўжо пасеяна на больш як 17 працэнтах плошчаў.
Па матэрыялах газеты "Зара"
