19 лютага 2024
Актыў Бешанковіцкага раёна гатовы зрабіць свой выбар. А вы?
Напярэдадні найважнейшай грамадска-палітычнай падзеі 2024 года на вуліцы каля СШ №2 райцэнтра з'явіўся інфармацыйны стэнд, які заклікае землякоў у адзіны дзень галасавання, 25 лютага, наведаць выбарчыя ўчасткі і зрабіць узважанае і абдуманае рашэнне — выбраць тых, хто будзе прадстаўляць і абараняць нашы інтарэсы ў Палаце прадстаўнікоў Нацыянальнага сходу і мясцовых саветах дэпутатаў.
Ужо заўтра стартуе датэрміновае галасаванне, якое працягнецца па 24 лютага. Цяперашняя электаральная кампанія - новы палітычны досвед, будзе няпроста, але зручна. Важна, каб кожны праявіў адказнасць, сваю актыўную грамадзянскую пазіцыю. Бо выбары - гэта не толькі права, але і грамадзянскі абавязак. Наша будучыня залежыць ад нас. Актыў Бешанковіцкага раёна гатовы зрабіць свой выбар. А вы ўжо гатовыя, землякі?
