30 снежня 2021
Бешанковіцкая Дзяржаўтаінспекцыя нагадвае: "Дарога памылак не даруе!"
Заўтра, 31 снежня, пройдзе Адзіны дзень бяспекі дарожнага руху "Дарога памылак не даруе!".
У гэты дзень дзяржаўтаінспектары правядуць мерапрыемствы па спыненні фактаў п'янага ваджэння і папярэджанні ДТЗ з удзелам п'яных вадзіцеляў.
Дзяржаўтаінспекцыя звяртаецца да жыхароў Бешанковіч — калі вы заўважылі, што паблізу вас вадзіцель кіруе транспартным сродкам у стане ап'янення — не будзьце абыякавымі! У вашых сілах прадухіліць трагедыю. Тэлефануйце ў дзяжурную частку па тэл. 102. Ваш званок можа выратаваць нечае жыццё!
