Праваахоўнікі арганізавалі маштабную тлумачальную работу ў працоўных калектывах і ўстановах адукацыі. Прайшлі рэйды па вуліцах гарпасёлка, якія, на жаль, паказалі, што не ўсе ўдзельнікі дарожнага руху правапаслухмяныя грамадзяне. Пешаходы, як аказалася, любяць прагульвацца па дарозе, нягледзячы на тратуары, часам нават забываючы, што павінны перамяшчацца насустрач транспарту, які рухаецца. Веласіпедысты таксама ліха перасоўваюцца па праезнай частцы, не зніжаючы хуткасці і практычна не гледзячы па баках.

- На жаль, такое стаўленне даводзіцца бачыць даволі часта: удзельнікі дарожнага руху выконваюць правілы «для ДАІ», каб не аштрафавалі. А пра бяспеку думаюць у апошнюю чаргу, - адзначае інспектар ДПС Максім Матора. — Я хачу звярнуць увагу, што на дарозе, як і ўвогуле ў жыцці, трэба кіравацца не толькі правіламі, але і меркаваннямі разумнага сэнсу, які кажа нам, што трэба знізіць хуткасць, пазначыць сябе флікерам, надзець камізэльку павышанай бачнасці і ахоўную экіпіроўку. Клапаціцца аб бяспецы, сваёй і іншых удзельнікаў дарожнага руху - вось правіла, якое павінна стаць галоўным для кожнага з нас.

«Зара»