2 лістапада 2023
Дэлегацыя Бешанковіцкага раёна прыняла ўдзел у абласным
форуме маладых спецыялістаў!
У Лепелі прайшоў другі этап абласнога форуму маладых спецыялістаў. Удзел у ім прынялі больш за 140 маладых людзей з 8 раёнаў вобласці, якія нядаўна папоўнілі працоўныя калектывы паўночнага рэгіёна. Сярод іх былі і нашы землякі.
Насычаная праграма, работа выставачных пляцовак арганізацый і прадпрыемстваў Лепельшчыны, дзіўны інтэрактыў - такім запомніўся 2-гі этап форуму. Землякі прынялі ўдзел у псіхалагічным трэнінгу па развіцці камунікатыўных навыкаў, наведалі дзіцячы рэабілітацыйна-аздараўленчы цэнтр "Жамчужына".
Завяршальны акорд сустрэчы — дыялогавая пляцоўка "Паспяховыя практыкі ў рабоце з моладдзю", галоўнымі спікерамі якой сталі намеснік старшыні аблвыканкама Вячаслаў Дурноў, старшыня Лепельскага райвыканкама Міхаіл Кісялевіч, намеснік начальніка галоўнага ўпраўлення ідэалагічнай работы і па справах моладзі аблвыканкама Вячаслаў Хрол.
