6 верасня 2023
Каманда першай школы райцэнтра прыняла ўдзел у Фестывалі навукі
2 верасня ў Мінску ў Цэнтральным батанічным садзе Нацыянальнай акадэміі навук Беларусі прайшоў Фестываль навукі - 2023. Гэта найбуйнейшае ў краіне навукова-папулярнае мерапрыемства праводзілася ўжо пяты раз і з кожным годам становіцца ўсё больш папулярным.
У 2023-м удзельнікамі фестывалю, арганізатарам якога выступае Савет маладых вучоных НАН Беларусі, сталі больш як 20 тысяч чалавек. У спісе запрошаных значылася і ДУА «Сярэдняя школа №1 г.п.Бешанковічы ім.І.І.Строчка».
У рамках Фестывалю навук бешанковіцкія школьнікі пазнаёміліся таксама са спецыяльнасцямі, якія можна атрымаць у вядучых універсітэтах краіны, з іх распрацоўкамі, што, магчыма, дапаможа ім у выбары будучай прафесіі.
