14 снежня 2021
Кіраўніцтва Бешанковіцкага раёна павіншавала "Беларускі саюз жанчын" з юбілеем
Прыміце шчырыя віншаванні з нагоды 30-годдзя з дня ўтварэння грамадскага аб’яднання «Беларускі саюз жанчын»!
Вашу ролю ў грамадстве нельга пераацаніць. Вашы мудрасць, неабыякавасць і самаахвярнасць, адказныя адносіны да прафесійных абавязкаў, працоўныя дасягненні і вернасць свайму галоўнаму прызначэнню захапляюць і з’яўляюцца лепшым прыкладам для выхавання падрастаючых пакаленняў.
БСЖ аб’ядноўвае разумных, таленавітых, крэатыўных людзей з актыўнай грамадзянскай пазіцыяй. За гэтыя гады арганізацыя ператварылася ў магутны грамадскі рух, які ведаюць па справах і грамадскіх ініцыятывах. Прадстаўніцы прыгожай паловы чалавецтва, вы дапамагаеце пераадольваць усе цяжкасці, натхняеце на перамогі, побач з вамі кожны становіцца мацней. Дзякуй вам за жыццёвую пазіцыю, дабрыню, любоў і клопат, якімі шчодра дзеліцеся з тымі, хто мае ў іх патрэбу!
Жадаем моцнага здароўя, жаночага шчасця, сямейнага дабрабыту і поспехаў у новых праектах, жыццёва важных для будучыні нашай роднай Беларусі!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
