Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
Прыміце шчырыя віншаванні з прафесійным святам — Днём настаўніка!
Кожны чалавек захоўвае ў сваім сэрцы светлае пачуццё ўдзячнасці да настаўніка, які ўпершыню расчыніў перад ім дзверы ў краіну ведаў, навучыў распазнаваць цудоўнае, асэнсоўваць і прымаць узважаныя рашэнні. Педагогі заўсёды былі і застаюцца носьбітамі і ўладальнікамі высокіх духоўных якасцей, а пакладзены ў аснову настаўніцкай прафесіі творчы пачатак дапамагае ім кожны раз нанова разам са сваімі вучнямі пазнаваць і разумець свет.
Паважаныя настаўнікі, работнікі адукацыі і ветэраны педагагічнай працы!
Прыміце словы ўдзячнасці за добрасумленную працу, адданасць выбранай прафесіі, няўрымслівасць і цярплівасць, за добрыя традыцыі і вопыт, якія вы перадаеце маладому пакаленню. Жадаем усім педагогам Бешанковіччыны моцнага здароўя, сямейнага цяпла і ўтульнасці, новых здабыткаў і поспехаў, натхнення ў выкананні высокага абавязку — служэння людзям, сваёй Айчыне.
Галіна УНУКОВІЧ, старшыня раённага выканаўчага камітэта.
Генадзь Шведаў, старшыня раённага Савета дэпутатаў.
