Кіраўніцтва раёна віншуе работнікаў і ветэранаў бібліятэчная сістэмы з прафесійным святам

Паважаныя работнікі і ветэраны бібліятэчнай сістэмы, жыхары раёна!

Сардэчна віншуем з Днём бібліятэк!

Гэта свята адзначаюць не толькі бібліятэчныя работнікі, але і ўсе, хто не мысліць свайго жыцця без кнігі, мае дачыненне да чытання, ведаў, асветы. Кніга заўсёды была і застаецца неабходным атрыбутам жыцця, без якога ў чалавецтва няма ні гісторыі, ні культуры, ні ўяўленняў пра заўтрашні дзень. Бібліятэкі — скарбніцы культурных каштоўнасцей, распаўсюджвальнікі навуковых ведаў. І сёння, у век развіцця інфармацыйных тэхналогій, яны з’яўляюцца культурна-асветніцкімі, сацыяльна-дасугавымі цэнтрамі.

Шмат кніжных скарбаў захоўваюць у сваіх нетрах бібліятэкі, але галоўным здабыткам застаюцца людзі, верныя захавальнікі культуры — бібліятэчныя спецыялісты, чые лёсы непарыўна звязаны з кнігай. Прыміце словы глыбокай удзячнасці за вашу натхнёную працу, за творчасць, талент, прафесіяналізм, уменне дарыць ­людзям радасць.

Жадаем вам моцнага здароўя, дабрабыту, невычэрпнай энергіі, паспяховага творчага пошуку, новых дасягненняў! Няхай кожны новы дзень прыносіць цікавыя ідэі, натхненне і гармонію ва ўсіх жыццёвых памкненнях!

Галіна УНУКОВІЧ, старшыня раённага выканаўчага камітэта.

Генадзь ШВЕДАЎ, старшыня раённага Савета дэпутатаў.