На Бешанковіччыне пройдуць мерапрыемствы, прымеркаваныя да Дня беларускага пісьменства

Мерапрыемствы, прысвечаныя Дню беларускага пісьменства, будуць ладзіцца ў нашым раёне. Па словах метадыста ДУ «Бешанковіцкі раённы вучэбна-метадычны кабінет» Вікторыі Аляксандраўны Крастоўскай, у пачатку верасня ва ўсіх навучальных установах Прыдзвіння, напрыклад, пройдуць тэматычныя класныя гадзіны, віктарыны, урокі-прэзентацыі.

Шэраг тэматычных мерапрыемстваў уключаны і ў план ДУК «Бешанковіцкая цэнтралізаваная бібліятэчная сістэма». Як паведаміла рэдакцыі загадчыца аддзела бібліятэчнага маркетынгу і рэкламы Таццяна Іванаўна Мароз, у цэнтральнай раённай бібліятэцы арганізуюць выставу-прагляд «Пісьменства… Дакрануцца да мінулага». Гадзіну літаратурнага краязнаўства да 85-годдзя з дня нараджэння нашага земляка Барыса Беляжэнкі пад назвай «Літаратурная краіна Барыса Беляжэнкі» 1 верасня правялі бібліятэкары ЦРБ.

У дзіцячай раённай бібліятэцы да Дня беларускага пісьменства для юных чытачоў падрыхтавалі экскурс у гісторыю кнігадрукавання ў рамках работы клуба «Крынічка» пад назвай «Шлях друкаванага слова», у Ульскай – гістарычнае падарожжа «Кніжная спадчына праз вякі», у Драздоўскай – літаратурную гадзіну «Свята зноў, свята слова», у Палітаддзельскай – пазнавальную віктарыну «Слова нас аб’ядноўвае». Выставу-віктарыну «Дарога да святыняў друкаванага слова» рыхтуе для вяскоўцаў бібліятэка ў Вярхоўі, тэматычную гутарку «Паклон беларускаму слову!» — у Ржаўцы, кніжна-ілюстрацыйную выставу «Промні асветніцтва» — Бешанковіцкая гарпасялковая бібліятэка.

У Задарожскай бібліятэцы чытачам прапануюць прыняць удзел у гадзіне гучнага чытання «Чытаем па-беларуску». Гістарычную гадзіну «Зоркі беларускай асветы» правядуць у Сініцкай бібліятэцы, гістарычнае падарожжа «Мова – скарб народа» — у Сокараўскай. У Бачэйкаве бібліятэка чакае чытачоў для ўдзелу ў пазнавальнай гульні «Сябры роднай мовы».

Koжны гoд cвятa пaкaзвae, штo Бeлapycь зaўcёды былa i зacтaeццa кpaiнaй з выcoкaй кнiжнaй кyльтypaй, штo нaшы выдaўцы зpaбiлi нeaцэнны ўклaд y paзвiццё cycвeтнaгa кнiгaдpyкaвaння. Гicтopыя бeлapycкaй кнiгi нaлiчвae тaкoe мнocтвa cycвeтнa вядoмыx iмёнaў, якiм нaўpaд цi мoжa пaxвaлiццa нeйкaя iншaя кpaiнa.

Ларыса ПАЎЛОЎСКАЯ.