Штогод з надыходам пажаранебяспечнага перыяду, пасля сходу снежнага покрыва
і ўстанаўлення станоўчай сярэднясутачнай тэмпературы паветра рэзка ўскладняецца
абстаноўка з пажарамі і ўзгараннямі. Як правіла, у гэты перыяд адбываецца
масавае несанкцыянаванае спальванне сухой травы і смецця насельніцтвам, выезды
насельніцтва на прыроду з развядзеннем вогнішчаў і неасцярожнасцю пры курэнні.
Асноўным віноўнiкам лясных пажараў з'яўляецца чалавек — яго нядбайнасць пры карыстанні ў лесе агнём падчас
працы і адпачынку.
У лесе забараняецца:
- кідаць падпаленыя запалкі, недакуркі;
- пакідаць шкляныя прадметы (бутэлькі);
- паркаваць транспартныя сродкі па-за ўстаноўленымi месцамi;
- пакідаць прамасленыя гаручымі рэчывамі матэрыялы.
Забаронена развядзенне вогнішчаў:
- у іглічных маладняках;
- пад кронамі дрэў;
- у месцах з падсохшай травой;
- на участках пашкоджанага лесу;
- на тарфяніках.
Дзе б вы не заставаліся на адпачынак: у лесе, ля рэчкі, возера – захоўвайце
чысціню і правілы пажарнай бяспекі.
Сыходзячы з месца адпачынку, прыбярыце за сабой усе харчовыя адходы і іншае
смецце ў спецыяльна абсталяваныя месцы.
Адначасова варта памятаць, што выпальванне сухой расліннасці і
сельскагаспадарчыя палы забаронены заканадаўствам Рэспублікі Беларусь. У
адпаведнасці з Кодэксам Рэспублікі Беларусь аб адміністрацыйных
правапарушэннях:
— артыкул 16.21
«Парушэнне патрабаванняў пажарнай бяспекі ў лясах або на тарфяніках», якое не
пацягнула прычыненне шкоды, — цягне папярэджанне або накладанне штрафу ў памеры
да 12 базавых велічынь (БВ). Калі ж гэта прывяло да знішчэння або пашкоджання
лесу альбо тарфянікаў, — дзеянне цягне накладанне штрафу ў памеры да 30 БВ.
— артыкул 16.40 «Выпальванне сухой расліннасці, траў на
корані, а таксама іржышча і пажніўных рэшткаў на палях або непрыняцце мер па
ліквідацыі палаў» цягнуць накладанне штрафу ў памеры ад 10 да 30 БВ.
Распальванне вогнішчаў у забароненых месцах, у адпаведнасці з арт. 16.41, цягне
папярэджанне або накладанне штрафу ў памеры да 12 базавых велічынь.
— артыкул 16.22 «Забруджванне лесу і іншай
драўняна-хмызняковай расліннасці» цягнуць накладанне штрафу ў памеры да
10 базавых велічынь.
