18 красавіка 2023
Пад'езд да вёскі Гародна адрамантуе філіял «Бешанковіцкае ДРБУ-110»
Работы з уладкаваннем асфальтабетоннага пакрыцця ад аўтадарогі Мінск - Віцебск да населенага пункта плануецца выканаць у ліпені-жніўні бягучага года.
Усяго філіял «Бешанковіцкае ДРБУ-110» КУП «Віцебскаблдарбуд» у 2023 годзе бягучым рамонтам плануе адрамантаваць 8 кіламетраў дарог.
У прыватнасці, ужо прыведзены ў парадак участак дарогі Старыя Ранчыцы - Верхняе Крывіна працягласцю 600 метраў, у красавіку-маі 2 кіламетры новага асфальтабетоннага пакрыцця з'явіцца на аўтадарозе Бачэйкава - Чурылава - Стрыжава, адрамантуюць і іншыя ўчасткі.
У цэлым на Віцебшчыне на мясцовых аўтадарогах сёлета плануецца адрамантаваць каля 260 кіламетраў дарог і 3 масты.
