Прадукцыя, якая змяшчае ГМА, павінна маркіравацца

З году ў год імкліва павялічваецца асартымент і разнастайнасць харчовай прадукцыі на рынках. Спажыўцы ж хочуць, каб прадукты былі бяспечнымі для здароўя. Гэта ў поўнай меры адносіцца і да харчовых прадуктаў, якія змяшчаюць генетычна мадыфікаваныя арганізмы.

На сёння ў свеце існуе некалькі дзесяткаў ліній ГМА: соі, бульбы, кукурузы, цукровых буракоў, рысу, таматаў, рапсу, пшаніцы, дыні, шынкоў, бавоўны, лёну, цыкорыя і іншых раслін. Сусветным трансгенным рэкардсменам з'яўляецца соя.

Асноўнымі сусветнымі вытворцамі прадукцыі, якая змяшчае ГМА, з'яўляюцца ЗША (68%), Аргенціна (12%), Канада (7%), шэраг іншых краін.

Законам "Аб абароне правоў спажыўцоў» замацавана права спажыўца на інфармацыю пра тавар і на свабодны выбар тавараў. Законам прадугледжана, што інфармацыя аб таварах у абавязковым парадку павінна змяшчаць указанне на тое, што харчовы прадукт з'яўляецца генетычна мадыфікаваным, калі ў ім ёсць генетычна мадыфікаваныя складовыя (кампаненты).

Акрамя таго, згодна з Пастановай Савета Міністраў Рэспублікі Беларусь ад 28.04.2005 года №434 вытворчасць і гандлёвы абарот дзіцячага харчавання, вырабленага з выкарыстаннем генетычна мадыфікаваных складнікаў, забараняецца.

У цяперашні час існуе шэраг тэхнічных нарматыўна-прававых актаў, якія рэгламентуюць бяспеку прадукцыі ў дачыненні да ГМА-складнікаў. Заканадаўствам і нарматыўна-прававымі дакументамі прадугледжваецца маркіроўка усёй прадукцыі, якая змяшчае ГМА альбо вырабленай з іх выкарыстаннем.

Пры здзяйсненні пакупак, асабліва якія тычацца дзіцячага харчавання, трэба дакладна ведаць, што сыравіна і канчатковая прадукцыя айчыннай вытворчасці праходзіць абавязковы дзяржаўны строгі кантроль бяспекі і якасці.

Мы, спажыўцы, маем поўнае права выбару прадукцыі і права на вычарпальную інфармацыю аб набываным харчовым прадукце на любых прылаўках краіны. Пры адсутнасці поўных звестак на маркіроўцы тавару спажывец мае права атрымаць неабходную Вам інфармацыю ў прадаўца (вытворцы), а прадавец (вытворца) абавязаны гэтую інфармацыю прадаставіць.

Ніна БАРАНОЎСКАЯ,

памочнік урача-гігіеніста РЦГЭ