Працоўны калектыў ДРБУ-110 наведаў генеральны дырэктар КУП "Віцебскаблдарбуд" У.С.Мацвееў

Філіял Бешанковіцкага ДРБУ-110 КУП «Віцебскаблдарбуд» з рабочым візітам наведаў член Савета Рэспублікі Нацыянальнага сходу Рэспублікі Беларусь, генеральны дырэктар камунальнага праектна-рамонтна-будаўнічага унітарнага прадпрыемства «Віцебскаблдарбуд» У.С.Мацвееў.

  У час сустрэчы з працоўным калектывам Уладзімір Сямёнавіч распавёў аб сацыяльна-эканамічным развіцці рэспублікі, у тым ліку аб развіцці дарожнай гаспадаркі, падрабязней спыніўся на стане дарог на Бешанковіччыне. На жаль, недапрацоўкі ёсць, у большай ступені яны звязаны з цяжкасцямі фінансавага плана. Але работнікі філіяла працягваюць працаваць на карысць роднага краю.