13 жніўня 2020
У Бешанковіцкім раёне праходзіць месячнік па бяспецы
З 1 жніўня на тэрыторыі раёна стартаваў месячнік забеспячэння бяспечных умоў працы ў перыяд правядзення ўборкі збожжавых культур у арганізацыях аграпрамысловага комплексу.
- Строгае выкананне правіл аховы працы ў перыяд уборкі ўраджаю, своечасовае забеспячэнне бяспечных умоў працы - важная складаючая комплексу сельскагаспадарчых мерапрыемстваў, - адзначыў намеснік начальніка па працы, занятасцi i сацыяльнай абароне райвыканкама П.П.Ціханенка. - На жаль, нягледзячы на пастаянны напамін пра тое, што неабходна строга выконваць патрабаванні бяспекі падчас правядзення любых сельскагаспадарчых работ, маюць месца няшчасныя выпадкі на вытворчасці, у тым ліку і з цяжкімі наступствамі. Многія парушэнні патрабаванняў аховы працы з'яўляюцца следствам неэфектыўнага кантролю з боку кіраўнікоў і службовых асоб арганізацый. Нярэдкімі з'яўляюцца выпадкі, калі і самі ўдзельнікі жніва бязладна ставяцца да выканання сваіх абавязкаў, што пасля прыводзіць да сумных вынікаў. Абвешчаны месячнік і будзе накіраваны на спыненне такіх фактаў.
Спецыяльна створаная аператыўная група, у склад якой увайшлі спецыялісты ўпраўлення па працы, занятасцi i сацыяльнай абароне райвыканкама, упращлення райсельгасхарчу, іншых зацікаўленых службаў, будзе аказваць гаспадаркам практычную і метадычную дапамогу ў пытаннях аховы працы. Узмоцнены і кантроль за выкананнем работнікамі правілаў унутранага працоўнага распарадку. Аддзелам ДАІ РАУС праводзяцца рэйдавыя мерапрыемствы па кантролю фізічнага стану вадзіцеляў і механізатараў, якія задзейнічаны ва ўборачнай кампаніі. На палях арганізавана дзяжурства спецыялістаў РАНС.
