28 жніўня 2020
У Бешанковіцкім раёне стартуе рэспубліканская акцыя "Адзіны дзень бяспекі»
З 1 па 10 верасня па ўсёй краіне пройдзе акцыя "Адзіны дзень бяспекі».
У гэтыя дні адбудуцца мэтанакіраваныя прафілактычныя мерапрыемствы па папярэджанні надзвычайных сітуацый, правапарушэнняў і злачынстваў, а таксама навучанне паводзінам ва ўмовах НС, аварый, аказанні першай медыцынскай дапамогі.
Так, старт прафілактычным мерапрыемствам будзе дадзены ў раённым цэнтры культуры, дзе суб'ектамі прафілактыкі раёна будуць прадэманстраваны тэматычныя пляцоўкі з выставай тэхнічных сродкаў, абсталявання і падрыхтоўкі. Будуць арганізаваныя розныя конкурсы ў рамках забеспячэння бяспекі жыццядзейнасці. У перыяд правядзення акцыі суб'ектамі прафілактыкі раёна таксама запланаваны выступленні ў працоўных калектывах, установах адукацыі, сельскіх сходах.
