25 красавіка 2022
У Бешанковіцкім раёне завершаны ацяпляльны перыяд
У сувязі з устойлівай станоўчай тэмпературай вонкавага паветра з 25 красавіка ў Бешанковіцкім раёне завершаны ацяпляльны перыяд для ўсіх катэгорый спажыўцоў энергіі. Адпаведнае распараджэнне прынята раённым выканаўчым камітэтам на падставе рашэння абласной працоўнай групы па аптымізацыі рэжымаў цеплазабеспячэння.
У аддзеле архітэктуры і будаўніцтва, жыллёва-камунальнай гаспадаркі райвыканкама ўдакладнілі, што пры паніжэнні сярэднесутачнай тэмпературы паветра будзе ўведзены рэжым "пратоплівання" для дашкольных, школьных і медыцынскіх устаноў, аддзялення кругласутачнага знаходжання для грамадзян пажылога ўзросту і інвалідаў.
Святлана Варошка.
