Увага: пагаршэнне ўмоў надвор'я! Вадзіцелі, праяўляйце пільнасць на дарогах!

З 14 лістапада на тэрыторыі Віцебскай вобласці чакаецца пагаршэнне ўмоў надвор'я, у тым ліку паніжэнне тэмпературы паветра. Дзяржаўтаінспекцыя папярэджвае, што пры неспрыяльных умовах надвор'я рызыка ўзнікнення ДТЗ вельмі высокая. Каб пазбегнуць здарэнняў на дарозе ДАІ рэкамендуе ўсім удзельнікам дарожнага руху праяўляць максімальную пільнасць і асцярожнасць.

   Кіроўцам варта знізіць хуткасць руху - чым вышэй хуткасны рэжым, тым больш адчувальны аўтамабіль да парываў ветру, што можа прывесці да страты кантролю над аўтамабілем. Самымі небяспечнымі ўчасткамі з'яўляюцца масты, шляхаправоды і шматпалосныя дарогі. Выконвайце бяспечную дыстанцыю, правілы манеўравання, а ва ўмовах недастатковай бачнасці рухайцеся з уключаным блізкім святлом фар або супрацьтуманнымі ліхтарамі. Праяўляйце пільнасць пры праездзе пешаходных пераходаў, пунктаў прыпынку маршрутных транспартных сродкаў і месцаў масавага збору людзей.