Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
У мінулую пятніцу свой 70-гадовы юбілей адзначыў ветэран РАУС Валерый Піліпавіч Ермалаеў. Павіншаваць імянінніка, уручыць падарункі прыехалі намеснік начальніка па ідэалагічнай рабоце і кадравым забеспячэнні РАУС Уладзімір Аляксандравіч Дядзічкін і былыя калегі - Алег Рыгоравіч Новік і Рыгор Аляксандравіч Ткачонак.
Госці не скупіліся на добрыя словы для юбіляра, бо менавіта з такіх, як ён прадстаўнікі маладога пакалення, якія цяпер нясуць службу ў праваахоўных органах, бяруць прыклад.
Як распавёў сам Валерый Піліпавіч, ён 10 гадоў аддаў службе ў міліцыі - быў намеснікам начальніка РАУС, адказваў за кадравае забеспячэнне. Ён, як ніхто іншы, ведаў, якім павінен быць сапраўдны служыцель закона. У 1995 годзе мужчына сышоў на заслужаны адпачынак. За добрасумленную працу, вернасць службоваму абавязку В.П.Ермалаеў узнагароджаны медалямі, а таксама з годнасцю носіць званне «Заслужаны работнік МУС». У калекцыі ўзнагарод з'явіўся яшчэ адзін медаль, якіяму ўручылі ў дзень нараджэння - «75 год вызвалення Беларусі ад нямецкая-фашысцкіх захопнікаў».
Валерый Піліпавіч захаваў аб сваёй службе самыя добрыя ўспаміны, таму і цяпер не губляе сувязь з аддзелам унутраных спраў райвыканкама.
Ветэран органаў унутраных спраў у сваю чаргу падзякаваў гасцям за ўвагу і клопат, пажадаў дзеючым супрацоўнікам поспехаў і захавання слаўных традыцый РАУС.
Мы далучаемся да шматлікіх віншаванняў юбіляру, з пажаданнем самага галоўнага - моцнага здароўя і даўгалецця.
