6 кастрычніка 2021
Зберажом прыроду разам! Запрашаем жыхароў Бешанковіцкага раёна далучыцца да акцыі!
Рэспубліканская акцыя «Чысты лес» пройдзе ў Беларусі 9 кастрычніка. У гэтым годзе яна будзе прымеркаваная да Года народнага адзінства.
Стаць добраахвотным памочнікам і далучыцца да карыснага экалагічнага мерапрыемства, якое праводзіцца па ініцыятыве Міністэрства лясной гаспадаркі з 2010 года, можа любы жадаючы. Бешанковіцкі лясгас прапануе аб'яднаць намаганні і заклікае ўсіх неабыякавых унесці свой уклад у зберажэнне прыроды: ачысціць лясы ад несанкцыянаваных звалак, прыбраць будаўнічыя і бытавыя адходы, добраўпарадкаваць прыдарожныя палосы.
Каб правесці суботу з карысцю для прыроды ў рамках экалагічнага марафону, звяртайцеся ў лясгас па нумары 6-07-56, аб сваім намеры дапамагчы ў навядзенні парадку ў лесе паведаміце загадзя. Неабходны інвентар валанцёрам прадаставіць лесагаспадарчая ўстанова.
