Жывёлам не месца на дарозе

Нярэдка ў сезон масавага выпасу жывёлы паблізу аўтамабільных дарог адбываюцца няшчасныя выпадкі з удзелам хатніх жывёл. Пазбягаючы наезду на іх, вадзіцелі здзяйсняюць экстранае тармажэнне транспарту, у выніку, людзі, якія знаходзяцца ў аўтамабілі, могуць пацярпець.
- Праблема безнагляднага выпасу жывёлы і выхаду яго на дарогу застаецца на кантролі ў нашай мясцовасці, - распавяла старшыня Соржыцкага сельвыканкама А.З.Шахорская. - Праз тэрыторыю сельсавета праходзіць дарога рэспубліканскага значэння М3. У вёсках Будзілава і Вяжыща, напрыклад, каля трасы часта знаходзяцца на выпасе не толькі каровы і коні, але і авечкі, козы. У любы момант жывёла можа ірвануць у бок дарогі. Каб гэтага не здарылася, мы ўвесь час інфармуем мясцовых жыхароў аб правілах выпасу жывёлы, а таксама аб адміністрацыйнай адказнасці за іх парушэнне. Дапамагаюць нам у гэтым і старэйшыны.