Пракуратура

Пракуратура Бешанковіцкага раёна

211361, г.п.Бешанковічы, вул.Чуклая, 9

	Пракурор Бешанковіцкага раёна саветнік юстыцыі Урбановіч Сяргей Антонавіч (каб. № 1, 2 паверх) тэл. 6 27 88
	Намеснік пракурора Бешанковіцкага раёна малодшы саветнік юстыцыі Дойлідаў Віталь Уладзіміравіч (каб. № 2, 2 паверх) тэл.6 52 33
	Памочнік пракурора раёна Чудакоў Ягор Рамановіч (каб. №3, 1 паверх) тэл. 6 65 81
	Загадчык канцылярыі Фінагенава Алена Генадзеўна тэл./факс 8 (02131) 6 26 52

З 25.06.2018 г. у пракуратуры Бешанковіцкага раёна ўстаноўлены наступны парадак ажыццяўлення асабістага прыёму грамадзян і прадстаўнікоў юрыдычных асоб пракурорскімі работнікамі:

АБ'ЯВА
З 12.10.2020 загадам Генеральнага пракурора Рэспублікі Беларусь у будынках органаў пракуратуры ўведзены масачны рэжым.
Уваход у памяшканне пракуратуры Бешанковіцкага раёна толькі ў сродках індывідуальнай абароны.

У працоўныя дні з 8:00 да 18:00 прыём наведвальнікаў праводзіць дзяжурны пракурорскі работнік згодна з зацверджаным графікам, а таксама з 18:00 да 20:00 па папярэднім запісе з 9:00 да 13:00 і з 14:00 да 18:00 па тэлефоне 6-26-52 і спыняецца за 3 працоўныя дні да даты прыёму.

У іншыя працоўныя дні, акрамя ўказаных у графіку, прыём грамадзян і юрыдычных асоб ажыццяўляецца ў рабочыя гадзiны з 9.00 да 18.00 пракурорскімі работнікамі, якія знаходзяцца на месцы.

У выхадныя, непрацоўныя святочныя дні і дзяржаўныя святы асабісты прыём ажыццяўляецца пракурорскімі работнікамі раённай пракуратуры па папярэднiм запісе па тэлефоне 6-26-52 з 9.00 да 18.00, паводле зацверджанага графіка дзяжурстваў.

Пракурор раёна і яго намеснік у выпадку звароту грамадзян, якія прыбылі з сельскіх населеных пунктаў і іншай мясцовасці, ажыццяўляюць іх прыём незалежна ад гадзiн, усталяваных графікам.

Інфармацыя аб стаўках дзяржаўнай пошліны, а таксама рэквізітах рахункаў

Аб сістэме «Разлік» АРІП

У мэтах стварэння камфортных умоў для рэалізацыі плацельшчыкамі дзяржаўнай пошліны свайго права на ўчыненне адносна іх органамі, якія спаганяюць дзяржаўную пошліну, юрыдычна значных дзеянняў, Генеральнай пракуратурай Рэспублікі Беларусь забяспечана магчымасць ажыццяўляць аплату дзяржаўнай пошліны, пры звароце ў органы пракуратуры, праз сістэму «Разлік» АРІП.

Спіс плацяжоў у дрэве АРІП даступны

па наступны шлях:
Сістэма «Разлік» АРІП -

> Суды, юрысдыкцыя, юрыдычныя паслугі 

-> Пракуратуры 

Інфармацыя аб асабістым прыёме грамадзян і прадстаўнікоў юрыдычных асоб у пракуратуры Віцебскай вобласці.

АГУЛЬНАЯ ІНФАРМАЦЫЯ

26 чэрвеня 1922 года на трэцяй сесіі ЦВК Беларускай ССР з мэтай ажыццяўлення нагляду за выкананнем законаў і ў інтарэсах «правільнай пастаноўкі» барацьбы са злачыннасцю прынята Палажэнне аб пракурорскім наглядзе і заснавана Дзяржаўная пракуратура ў складзе Народнага Камісарыята Юстыцыі.

Канстытуцыя Рэспублікі Беларусь дакладна вызначае кампетэнцыю органаў пракуратуры і замацоўвае прынцып незалежнасці пракурораў у ажыццяўленні сваіх паўнамоцтваў. Адзіную і цэнтралізаваную сістэму органаў пракуратуры ўзначальвае Генеральны пракурор, які падсправаздачны Кіраўніку дзяржавы.

Указам Прэзідэнта Рэспублікі Беларусь №157 ад 26 сакавіка 1998 года ў незалежнай Беларусі ўстаноўлена прафесійнае свята - Дзень работнікаў пракуратуры.

У адпаведнасці з артыкулам 4 Закона Рэспублікі Беларусь «Аб пракуратуры Рэспублікі Беларусь» ад 08 мая 2007 г. №220-З пракуратура ажыццяўляе нагляд за:

- дакладным і аднастайным выкананнем законаў, дэкрэтаў, указаў і іншых нарматыўных прававых актаў рэспубліканскімі органамі дзяржаўнага кіравання і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадскімі аб'яднаннямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;

- выкананнем заканадаўства пры ажыццяўленні аператыўна-вышуковай дзейнасці;

- выкананнем закона падчас дасудовай вытворчасці, пры вытворчасці папярэдняга следства і дазнання;

- адпаведнасцю закону судовых пастаноў, а таксама за выкананнем заканадаўства пры іх выкананні;

- выкананнем заканадаўства пры выкананні пакарання і іншых мер крымінальнай адказнасці, а таксама мер прымусовага характару.

Пракуратура каардынуе праваахоўную дзейнасць дзяржаўных органаў, якія ажыццяўляюць барацьбу са злачыннасцю і карупцыяй, а таксама дзейнасць па барацьбе са злачыннасцю іншых арганізацый, якія ўдзельнічаюць у барацьбе са злачыннасцю.

Пракуроры бяруць удзел у разглядзе судамі грамадзянскіх спраў, а таксама спраў, звязаных з ажыццяўленнем прадпрымальніцкай і іншай гаспадарчай (эканамічнай) дзейнасці, падтрымліваюць дзяржаўнае абвінавачанне па крымінальных справах, удзельнічаюць у адміністрацыйным працэсе.

Аб арганізацыі асабістага прыёму грамадзян у органах пракуратуры вобласці

ПУБЛІКАЦЫІ