9 мая 2024
Кіраўніцтва Бешанковіцкага раёна віншуе ветэранаў Вялікай
Айчыннай вайны, жыхароў і гасцей з Днём Перамогі
Дарагія ветэраны
Вялікай Айчыннай вайны!
Паважаныя жыхары і госці Бешанковіцкага раёна!
Віншуем вас з Днём Перамогі! 9 Мая — значнае і хвалюючае для кожнага жыхара
нашай краіны свята. Праходзяць дзесяцігоддзі, змяняюцца пакаленні, але Вялікая
Перамога, як сімвал воінскай славы і мужнасці ўсяго савецкага народа, навечна
ўпісана ў гераічны летапіс Беларусі!
Дарагія нашы ветэраны, мы шануем і памятаем ваш подзвіг у імя выратавання
Айчыны! Вы самааддана, гераічна на фронце і ў тыле набліжалі доўгачаканую
Перамогу, аднаўлялі краіну з руін. Заваяваны вамі мір і сёння натхняе ўсіх нас
на новыя здзяйсненні, дапамагае пераадольваць цяжкасці і ісці наперад, дае нам
магчымасць мірна жыць, працаваць, любіць!
Дзень Перамогі — свята адзінства пакаленняў. У гэты знамянальны дзень хочацца
звярнуцца да маладога пакалення: беражыце мір, ганарыцеся сваёй Радзімай,
шануйце памяць пра тых, хто змагаўся за свабоду Беларусі!
Са святам вас, дарагія сябры! З Днём Перамогі!
Галіна Унуковіч, старшыня раённага выканаўчага камітэта
Генадзь Шведаў, старшыня раённага Савета дэпутатаў