30 января 2013

***

30 января, Бешенковичи /Соб.инф./. З бюджэту Віцебскай вобласці ў 2012 годзе на забеспячэнне грамадзян тэхнічнымі сродкамі сацыяльнай рэабілітацыі выдаткавана больш за 8 мільярдаў рублёў. За кошт абласнога бюджэту набываліся пратэзна-артапедычныя вырабы. Інвалідам і ветэранам вайны выдадзены ў карыстанне больш за 9 тысяч тэхнічных сродкаў рэабілітацыі.

На кантролі летась былі і патрэбы людзей з абмежаванымі магчымасцямі, якія пражываюць на тэрыторыі нашага раёна. Як паведамілі ў Тэрытарыяльным цэнтры сацыяльнага абслугоўвання насельніцтва, тэхнічнымі сродкамі рэабілітацыі забяспечаны 40 прыдзвінцаў. Напрыклад, 17 чалавек атрымалі крэслы-каляскі, 5 – тросці, 3 – гадзіннікі з сінтэзатарам мовы, выдзелены і 6 хадункоў.

У снежні мінулага года ТЦСАН атрымаў яшчэ 8 калясак для інвалідаў. Гуманітарная дапамога прыйшла з ЗША ад карпарацыі Старшынствуючага Епіскапа Царквы Іісуса Хрыста Святых Апошніх дзён.