11 марта 2013

Да Дня абаронцаў Айчыны ў раёне прымеркавалі адкрытае першынство ДЮСШ па валейболе і барацьбе дзюдо

11 марта, Бешенковичи /Соб.инф./. На валейбольнай пляцоўцы сустрэліся 4 каманды. Па выніках гульняў першае месца дасталася валейбалістам з гімназіі, другое – прадстаўнікам СШ №2 райцэнтра, трэцяе – СШ №1 райцэнтра. Замкнула турнірную табліцу каманда валейбалістаў дзіцяча-юнацкай спартыўнай школы.

Барацьба за перамогу разгарнулася і сярод аматараў адзінаборстваў. Пераможцы вызначыліся ў шасці вагавых катэгорыях. Так, у групе вагой 27 кілаграмаў тройку лепшых дзюдаістаў склалі Стас Логінаў (1-е месца), Ягор Дабравольскі (2-е месца), Іван Касначэвіч (3-е месца). Пераможцамі ў вазе 29 кілаграмаў сталі Сяргей Сакалоўскі (1-е месца) і Ілья Мацюшоў (2-е месца).

У вагавай катэгорыі 32 кілаграмы прызёрамі сталі Павел Лейчанка (1-е месца), Арцём Куімаў (2-е месца), Максім Бабарэнь (3-е месца). У вазе 44 кілаграмы перамога дасталася Аляксандру Бурунову, другі вынік – у Яўгена Цвяткова, трэці – у Алесі Шчукі. У групе 48 кілаграмаў тройку лепшых дзюдаістаў склалі Аляксандр Камінскі (1-е месца), Дзмітрый Бальшакоў (2-е месца), Юрый Буруноў (3-е месца). У вагавай групе 60 кілаграмаў перамога дасталася Уладзіславу Літвінаву, другім стаў Алег Абляцоў, трэцім – Дзмітрый Зубец.

Прызёры адзначаны граматамі ад аддзела фізічнай культуры, спорту і турызму райвыканкама.