Астровенскі СДК прымаў удзельнікаў выязнога практычнага занятку, які быў арганізаваны для мастацкіх кіраўнікоў клубных устаноў Віцебшчыны абласным цэнтрам павышэння кваліфікацыі кіруючых працаўнікоў і спецыялістаў. Падобныя сустрэчы садзейнічаюць эфектыўнаму культурнаму абмену.
   Сёння ў аграгарадку Астроўна ў цеснай узаемасувязі працуюць сель¬скі Дом культуры, школа мастацтваў і бібліятэка. Яны ўвасабляюць сабой цэнтр культуры на вёсцы, які накіраваны на стварэнне ўмоў для захавання і развіцця нацыянальнай культурнай спадчыны, пошук новых ідэй і форм работы.
  Астровенскія культработнікі прэзентавалі свае ўстановы культуры, пазнаёмілі гасцей з матэрыяльна-тэхнічнай базай, дакументацыйнай працай, работай клубных фарміраванняў. Былі арганізаваны выставы клубаў "Кветкаводства", "Купалінка". Калег частавалі беларускай нацыянальнай кухняй, а свае творчыя здабыткі і таленты астровенскія артысты паказалі ў літаратурна-музычнай кампазіцыі.
  – У падрыхтоўцы і правядзенні практычнага занятка для рэгіянальных культработнікаў праявілі сябе дырэктар Астровенскай школы мастацтваў Таццяна Эдуардаўна Уліціна, дырэктар і мастацкі кіраўнік Астровенскага СДК Валянціна Мікалаеўна Ціханава і Наталля Васільеўнай Крылова, загадчыца бібліятэкай Вольга Іванаўна Бандзёнак, – адзначае начальнік аддзела культуры райвыканкама Наталля Мікалаеўна Апанасёнак. – Хочацца падзякаваць усім удзельнікам мерапрыемства за якасную падрыхтоўку да выязнога занятка.
  Астровенскія  культработнікі праявілі гасціннасць, на высокім узроўні паказалі свае прафесійныя напрацоўкі і атрымалі цёплыя водгукі ад калег.