10 сентября 2012

Райпа пашырае гандлёвую сетку

Без развіцця сферы гандлю цяжка ўявіць якаснае абслугоўванне насельніцтва. Гэту задачу вырашае падпраграма “Вітгандаль” рэгіянальнай праграмы інавацыйнага і інвестыцыйнага развіцця. У яе рэалізацыі прымаюць удзел і прыватны бізнэс, і раённае спажывецкае таварыства.

Як паведаміла старшыня праўлення райпа Галіна Аляксандраўна Галенка, сёлета на вуліцы Ткачэнкі ў райцэнтры будзе ўзведзены магазін – гандлёвая кропка модульнага тыпу плошчай 120 кв. м. Пад аб’ект гандлю ўжо падрыхтавана пляцоўка, сіламі гаспадарчай групы райпа вядзецца ўстройства падмурка. Мантаж модуля плануецца правесці на працягу верасня.