19 сентября 2013

Трухлявыя дамы ідуць пад знос

На тэрыторыі Ульскага сельсавета прымаюцца меры па ўдасканаленні ўліку і скарачэнні колькасці пустуючых і старых дамоў з гаспадарчымі і іншымі пабудовамі, а таксама далейшым навядзенні парадку на зямлі і добраўпарадкаванні тэрыторый населеных пунктаў.

Па словах старшыні мясцовага сельвыканкама Генадзя Ільдэфонсавіча Анашкі, у верасні праведзены работы па зносе двух пустуючых трухлявых дамоў – у вёсках Бортнікі і Хоціна. Гэты клопат узяло на сябе прадпрыемства меліярацыйных сістэм. На ўліку застаецца яшчэ 24 аварыйныя сядзібы, лёс якіх яшчэ давядзецца вырашыць.