28 августа 2012

Уборка зерневых на прысядзібных надзелах

28 жніўня, Бешанковічы /Уласн. інф./ Уборка зерневых на прысядзібных надзелах жыхароў райцэнтра і вёскі праходзіць арганізавана. Гэты клопат узялі на сябе раённы і сельскія Саветы дэпутатаў, сельгаспрадпрыемствы раёна.

Як паведаміў старшыня райсавета дэпутатаў Генадзь Міхайлавіч Шведаў, дапамогу ў абмалоце зерневых у межах райцэнтра, як і летась, аказвае ААТ “Бешанковічы аграсэрвіс”. Для ўборкі насельніцкага збожжа прадпрыемства выдзеліла камбайн, а райсавет дэпутатаў па заяўках гаспадароў сфарміраваў спіс маючых патрэбу ў гэтай паслузе. Кошт яе прыймальны – абмалот адной соткі зерневых для жыхароў райцэнтра – 12 тысяч рублёў.

Арганізавана гэта работа і на вёсцы. Кожнае сельгаспрадпрыемства выдзеліла па адным камбайне для ўборкі збожжа на прысядзібных надзелах. Па раёне трэба абмалаціць 1596 зямельных участкаў агульнай плошчай 375 гектараў.