28 февраля 2013

Установы адукацыі раёна шмат увагі надаюць добраўпарадкаванню прышкольных тэрыторый

28 февраля, Бешенковичи /Соб.инф./. Практычна кожная з іх агароджана, з вясны да глыбокай восені тут буяюць кветкі. Гэта не толькі эстэтычна прывабна, але і забяспечвае бяспеку дзяцей. Тым больш, што нядаўна ў сталіцы ля адной з навучальных устаноў пад коламі аўтамабіля загінула дзіця.

У святле гэтага здарэння перад кіраўніцтвам СШ №2 райцэнтра пастаўлена задача абгарадзіць навучальную ўстанову. Як адзначыў начальнік аддзела адукацыі райвыканкама І. А. Жарабцоў, работы будуць праведзены вясной, як толькі растане глеба. А пакуль аддзел адукацыі райвыканкама сумесна з кіраўніцтвам СШ №2 райцэнтра плануюць канструкцыю агароджы, адшукваюць сродкі на рэалізацыю праекта.