15 мая 2014

Запрашаем на выставу «Светлае ўваскрэсенне»

У раённым гісторыка-краязнаўчым музеі адбылося ўрачыстае адкрыццё выставы "Светлае ўваскрэсенне" Ядзвігі Сянько з асвячэннем абразоў. На мерапрыемства быў запрошаны іерэй Мікалай Кісель, благачынны цэркваў Бешанковіцкай акругі.

У выставачнай зале было шматлюдна. З працамі мастачкі з Маладзечна пазнаёміліся і школьнікі райцэнтра. Галоўны захавальнік фондаў раённага гісторыка-краязнаўчага музея Ксенія Карась даступна расказала пра экспазіцыю, прадстаўленую на гэтай выставе. З непадробнай цікавасцю і ўвагай слухалі дзеці экскурсавода і з глыбокай пашанай разглядалі працы, асэнсоўваючы ўбачанае.