Адрес райисполкома: 211361, Витебская
область, г.п. Бешенковичи, ул. Чуклая, 13
Телефон приемной: 8 (02131) 6-42-45
E-mail:priemnay@beshenkovichi.gov.by
У рамках рэспубліканскай акцыі "Канікулы без дыму і агню" бешанковіцкія выратавальнікі правялі пазнавальныя і займальныя заняткі з рабятамі са спартыўнай школы.
Выратавальнікі прапанавалі дзецям не толькі праявіць свае фізічныя здольнасці ў сіле і шпаркасці, але праверылі іх тэарэтычныя веды: перш чым пачаць спаборніцкую частку «пажарнай эстафеты» камандам задаваліся пытанні на тэму бяспекі ў летні час. Каманда, якая правільна адказала на ўсе пытанні, зарабляла дадатковыя балы. Такім чынам, хлопцы не толькі спаборнічалі паміж сабой у сіле і шпаркасці, але і паўтаралі правілы бяспекі.
Вядома, не абышлося без пажарнай машыны. Хлапчукі і дзяўчынкі з радасцю азнаёміліся з аўтацыстэрнай, змаглі адчуць сябе сапраўднымі ратавальнікамі пры тушэнні пажару, бо кожнаму жадаючаму ратавальнікі прапанавалі збіць бруёй вады кіперныя фішкі.
У канцы сустрэчы, за актыўны ўдзел у мерапрыемствах хлопцы атрымалі карысную наглядна-выяўленчую прадукцыю ад МНС.
